Category: Uncategorized

Повик за пријавување 2017

No Comments

За проектот

Граѓанската асоцијација МОСТ, со поддршка на Фондацијата Роберт Бош и Балканскиот Фонд за Демократија, јубилејна десетта година по ред ќе го спроведат проектот „Патуваме во Европа“. „Патуваме во Европа” е регионален проект, кој освен во Македонија се реализира и во останатите земји од Западен Балкан, Србија, Босна и Херцеговина, Црна Гора, Албанија, како и Косово. МОСТ настојува проектот да го спроведува секое лето, притоа проширувајќи ја бројката на учесниците. Досега повеќе од 200 студенти од Македонија биле дел од овој проект.

Мисијата на проектот е 12 студенти од Македонија, преку патување, директно да се запознаат со демократските вредности, навики и култури на земјите од Европа, и да ги промовираат и доближат тие вредности во Македонија. Во исто време студентите ќе ја  промовираат и Македонија во Европа.

Конкурс

Целта на проектот е да им овозможи на 12 најдобри студенти од Македонија да го поминат летото како поголемиот дел од своите врсници од Европа, патувајќи слободно запознавајќи ги европските градови и народи.

Победниците (избраните студенти) на конкурсот добиваат стипендија која се состои од:

  • InterRail карта за воз во времетраење 22 дена во вредност од 385 евра
  • патничко осигурување
  • ISIC студентска картичка
  • превоз до Берлин
  • учество на специјалното отворање на програмата во Берлин, 24-27.07.2017 година (сместување и оброк во Берлин, средби со останатите студенти од Балканот, забава, разгледување на градот)
  • мал џепарлак, во износ не помал од 120 евра
  • ориентациона сесија во Скопје пред патувањето

Основни критериуми за учество

  • Кандидати кои можат да се пријават за учество на проектот, се студенти на универзитетите во Македонија и се во завршната година на студирање (апсолвенти) или студенти во првата година од постдипломските студии (кандидатите ќе приложат соодветна оригинална потврда од факултетот на кој што студираат, со која што ќе го потврдат својот статус)
  •  Да се помлади од 26 години, да се државјани на Р. Македонија и да поседуваат биометриска патна исправа.
  • Достигнувања на студентите:

А. Просечна оценка за време на студирањето поголема од 8,0 (кандидатите ќе достават оригинална потврда за положени испити и за средна оценка, издадена од факултетот)

Б. Година на студирање (кандидатите ќе достават потврда од факултетот и индекс за годината на која се запишани на студии)

  • Познавање на јазици- Англиски, Германски, Француски, Италијански (кандидатите ќе имаат можност да го покажат своето познавање на јазици)
  • Мотивираност за учество во програмата и нејзина промоција – Студентите ќе треба да изберат одредена тема која ќе ја следат или истражуваат додека патуваат. Темите може да бидат најразлични и може да се во согласност со нивните интереси поврзани со нивните идни професии. На крајот на патувањето, ќе се очекува од избраните студенти да напишат краток есеј на темата. Темите можат да варираат од архитектура, уметност, музика, улична уметност, урбаниот развој, транспортен систем, можностите и можности за образование, важноста на мобилност, животната средина и климатските промени, социјално претприемништво, граѓански ангажман, политички системи, развој на заедницата, разновидност и вклучување, можности за вработување, човекови права и социјални промени, управување со иновации, итн.

Приоритет ќе имаат оние студенти кои никогаш не патувале во странство.

Начин на пријавување

За пријавување потребно е да се поднесат неколку документи:

  • Апликација за пријавување – апликацијата се пополнува електронски, а истата може да се превземе од интернет страницата www.patvoevropa.org.mk 
  • Потврда за студентски статус (запишана година на студирање)издадена од факултетот/универзитетот
  • Потврда за положени испити со пресметан вкупен просек на оцени издадена од факултетот/универзитетот
  • Копија од Индекс (2-ра и 3-та страна каде се наоѓаат информациите за носителот и неговата слика) и копија од страницата од индексот каде е впишан последниот положен испит.
  • Копија од пасош и лична карта

Сите документи се доставуваат електронски на most@most.org.mk, а истите ќе бидат доставени и во оргинал доколку бидете селектирани за интервју.

Рок за доставување на пријавите: 25 јуни

Интервју

Само финалните кандидати ќе бидат повикани на интервју во Скопје кое ќе се одржи на 03 јули.

Жирито ќе избере листа од 30 кандидати кои ќе бидат поканети на интервју. Оваа листа ќе биде објавена на интернет страната на МОСТ во вид на линк, како и на официјалната интернет страна на проектот. Истата ќе биде споделена и на страницата на Фејсбук наменета а проектот.  

Ориентациона сесија

За избраните 12 студенти ќе биде организирана дополнителна ориентациона сесија на која ќе добијат подетални информации за патувањето, програмата и останати административни прашања.

Заминување

Студентите своето патување ќе го започнат на 24.07.2017 од Скопје. За нив ќе биде организиран превоз до Берлин. InterRail карта за воз ќе важи од 27.07.2017.

Дополнителни финансии и поддршка

Избраните студенти ќе имаат можност до почетокот на патувањето да се побараат и дополнителни индивидуални спонзорства и поддршка. МОСТ ќе издаде потврди за учество во проектот и ќе им овозможи на сите дополнителни спонзори на проектот нивна промоција на интернет и Фејсбук страницата на проектот, како и на сите останати промотивни материјали.

МОСТ за студентите ќе им обезбеди и брошури за промоција на Македонија.

Дополнителни информации

www.patvoevropa.org.mk

www.facebook.com/PatuvameVoEvropa

most@most.org.mk

tea@most.org.mk

Тел: 02 3099-384; 02 3099-385

Categories: 2017, Uncategorized

Бодување

No Comments

По извршените интервјуа, а рангирано според бодовникот, листата на избрани студенти е следната:

За патувањето се избрани првите 12 студенти. Во случај на откажување на некој од првите 12 студенти патува следниот студент од листата.

 

Categories: 2016, Uncategorized

Контакт

No Comments


View Larger Map

ул. Ванчо Мицков 18б,
1000 Скопје, Македонија

тел: +389 2 3099 384
факс: +389 2 3086 430

Бесплатна телефонска линија

080 080 080
e-mail:        tea@most.org.mk

Categories: Uncategorized

За патувањето

No Comments

Интер – раил карта

Овој возен билет е наменет токму за млади луѓе како тебе кои сакаат за 22 дена да посетат што повеќе места, а притоа да заштедат што повеќе пари. Со овој билет можеш да влезеш и слободно да се возиш во втора класа во било кој воз во Европа, колку сакаш и колку често сакаш. Да, тоа значи дека можеш да посетуваш различен град секој ден!

Ограничувања – Билетот кој ќе го добиете има важност од 22 дена. Не може да биде префрлен на некој друг, зашто гласи на ваше име.

Покрај ова, со Интер – раил картата не можете да патувате во Македонија – затоа испланирајте си некои ситни пари за да ве вратат од Табановце до дома. Многу е битно да запамтите дека картата е не заменлива, Тоа значи дека доколку ја загубите, нема да ви биде издадена нова и ќе морате да си го платите секое наредно возење вклучувајќи го и она за дома. Затоа – ВНИМАВАЈТЕ!

Конечно, овој билет со себе носи многу бенефиции како попусти за автобуски и бродски превоз и посета на културни институции. Видете во линковите за повеќе информации каде можете да добиете попуст со Интер – раил.

Корисни линкови:

За Интер – раил: http://en.wikipedia.org/wiki/Interrail

Официјална страна на Интер-раил и информации за попусти со Интер–раил: http://www.interrailnet.com/2_extra_pass_benefits.html

 Возови/останат превоз

Веројатно сите од вас досега се возеле во воз или знаат што можат да очекуваат. Но, она што ги прави европските возови различни од македонските е нивната редовност и доследност. Европјаните често се служат со ова превозно средство и возовите често можат да бидат преполнети.

Затоа, пофреквентните возови користат резервации и патниците мораат да си го резервираат своето место за да не останат без превоз. Ова се најчесто возовите кои сообраќаат помеѓу големите градови или ноќните возови.

Затоа, најпаментно би било веднаш при пристигањето на железничката станица да направите резервација за следното ваше патување. Овие резервации не се секогаш бесплатни и чинат од 1 до 30 евра. Најдоброто во ова е што за овие пари вие можете да добиете и превоз и сместување. Ноќните возови на долги релации (Мадрид – Париз или Берлин – Париз) можат да ви заштедат пари за хостел нудејќи ви „удобно“ седиште за ноќта.

Најдобро е ако можете на некоја од големите железнички станици да земете возен ред и железничка мапа на Европа. Ако не можете да најдете, слободно превземете ги од линковите подолу.

Во случај да се задржувате во некој град на само неколку саати, или пак немате однапред организирано сместување, можете да ги користите гардеробите на железничките станици кои се безбедни и чисти, а ќе ве чинат само пар евра по торба.

Со Интер – Раил можете да добиете и одлични цени за користење на траекти низ континентот, но за разлика од возовите, овој превоз нема да биде бесплатен. Цената зависи од должината на патувањето, но и од сезоната кога патувате.

За жал, со Интер – Раил картата не добивате никакви поволности за патување со авион. Сепак, во Европа функционираат многу нискобуџетни авионски компании кои за 10 пати пониска цена би можеле да ве одведат некаде. Внимавајте – овие карти се тешки да се најдат неколку дена пред летот, се продаваат исклучиво во еден правец и се користат споредни аеродроми!

Корисни линкови:

Европски возен ред: www.sbb.ch/enwww.raileurope.comwww.bahn.de

Попусти за Интер – раил корисници за автобуски превоз: www.interrailnet.com/2_extra_pass_benefits.html

Суперфаст траекти: www.interrailnet.com/2_extra_pass_benefits.htmlwww.superfast.com

Евтини авионски билети: www.skyscanner.comwww.cheap0.comwww.flybudget.com

 Студентски картички

Студентските картици се направени за да им помогнат на студентите на глобално ниво да ги добиваат истите попусти без разлика на земјите од кои доаѓаат. Најчесто овие попусти се однесуваат на посета на културни институции и настани (концерти, музеи, галерии, фестивали, кина, театри) и можат да бидат во висина до 100%! Но, можат да послужат и при сместување, храна, превоз, па и шопинг. На веб сајтовите (види подолу) на двете најпопуларни студентски картички можете да добиете цели листи на институции и дуќани од кои можете да добиете попуст во земјите кои ќе ги посетите.

Овие картички се прилично евтини и брзо се добиваат, па искрено препорачуваме да си ги набавите за да ви олеснат и поевтинат патувањето. www.euro26.org
www.isic.org

Градови кои ги препорачуваме
Дипломатски претставништва на РМ во Европа

Categories: Uncategorized

Студентите влегоа во Европа

No Comments

Претставниците од најдобрите студенти во Македонија, во рамките на проектот Патуваме во Европа, пристигнаа на својата прва дестинација, Виена. Своето патување го започнаа од Скопје, до Белград, каде им се придружија и колегите од Србија и Црна Гора, и на 16 јули пристигнаа во Виена. Ова е првата нивна европска дестинација, по што секој ќе ги продолжи патувањето.

„Ова е прво наше патување во некоја европска метропола и очекуваме многу забава и нови искуства“– видно возбудени, коментираа студентите.

„Се надеваме дека промовирајќи ја нашата земја, преку брошурите кои ќе ги делиме, ќе бидеме вистински амбасадори на Македонија“– додаваа тие.

Студентите се сретнаа со Амбасадорот на Р Македонија во Виена, Д-р Весна Борозан, која ги поздрави и им посака пријатен пат.

Студентите, кои беа одбрани на јавен конкурс, во наредниот месец ќе патуваат низ Европа и ќе се запознаваат со европските вредности, навики и култури и своите искуства ќе ги споделат со своите колеги и пријатели по враќањето во Македонија.

Од Граѓанската асоцијација МОСТ, реализатор на проектот, со помош на донаторите и спонзорите добија бесплатни Интер Реил билети за неограничено патување со воз, бесплатна шенген виза, осигурување ISIC и платежна картичка. За да може да бидат препознаени, облечени се во маички и капчиња со логото на проектот.

 

Соопштение за медиуми (PDF)

Categories: 2007, Uncategorized

Прес центар

No Comments

Соопштение за медиуми
30.06.2008, Скопје

20 СТУДЕНТИ ЌЕ ТРГНАТ НА ПАТ НИЗ ЕВРОПА
Уште 4 дена до затворање за примање на апликациите

Студентите кои сакаат да бидат дел од тимот кој еден месец ќе патува низ Европа имаат уште 4 дена да ги поднесат апликациите. Сите студенти во завршна година од студирање или апсолвенти, со просечна оценка во текот на студирањето поголема од 8,5 имаат можност ова лето да влезат во ЕУ.

Од реализаторот на проектот, Граѓанската асоцијација МОСТ, со помош на донаторите и спонзорите, обезбедени се Inter Rail карта, за неограничено патување со воз, бесплатна Шенген виза, осигурување и дел од средствата кои ќе им бидат потребни, на платежна картичка. Уште повеќе, за сите студенти кои ќе патуваат, донаторот Robert Bosch Stiftung организира дводневен фестивал во Берлин, на 20 и 21 јули, после кој секој студен самостојно ќе го продолжи патешествието.

Конкурсот за пријавување на студенти ќе биде отворен до 04 јули, а патувањето ќе започне на 18 јули. Аплицирањето е по обична пошта, на адресата на МОСТ, а формуларите и сите информации за проектот се достапни на интернет страната на проектот www.patvoevropa.org.mk.

Целта на овој проект е 20 студенти од Македонија, преку патување и посети, директно да се запознаат со демократските вредности, навики и култури во другите земји, и да ги промовираат и доближат тие вредности во Македонија. Во исто време студентите ќе ја промовираат и Македонија.

Ова е регионален проект во рамките на кој студенти од Македонија, Србија, Косово, Црна Гора, Босна и Херцеговина и Албанија, ќе можат да патуваат и да се запознаат со функционирањето на системите во другите држави, а во исто време и да ги претстават сопствените земји.

Линкови

Net Press

 

НВО Инфоцентар

Он Нет

Коалиција на младински организации – СЕГА

Портал – Југо-Источна Европа

Прв студентски портал – studenti.com.mk

Портал – Каде Вечер

Портал – Кајгана

Портал – Таратур

Портал – Te.com.mk

Факултет за електротехника и информациски технологии

Медицински Факултет Скопје

Зевзекманија