Category: 2007

Влегоа во Европа но се вратија во Македонија

No Comments

   Претставниците на најдобрите студенти од  Македонија, по едномесечен престој во Европа се вратија назад во Македонија. Тие сега се наоѓаат пред предизвик да допринесат кон подигање на јавната свет за тоа колку е важно сите граѓани на РМ да ги почитуваат и негуваат демократските вредности.

Соопштение за медиуми (PDF)

Фотогалерија

“Не радува фактот што студентите се задоволни од патувањето и што се вратија дома побогати за нови искуства“- истакна Дарко Алексов, извршен директор на МОСТ и додаде: “Целта на овој проект беше преку патување, дел од најдобрите студенти во Македонија, да ја запознаат Европа, демократијата, културата и навиките и да ја претстават својата земја. Со задоволство може да кажеме дека оваа цел е остварена“.

Дневниците што со себе ги понесоа студентите, како што кажаа тие, се исполнети со настани, случувања и места за кои ќе вреди долго да се прераскажува. Воочиле многу различности, но и сличности, со состојбата кај нас и спремни се да придонесат кон подобрување на нештата во насока на доближување кон големото семејство.

“Демократските вредности треба да се негуваат и практикуваат. Размената на искуствата и директниот контакт се најдобар начин да се осознаат нештата. Останува предизвикот истите да се споделат“- додаваат дел од студентите.

Дополнителна вредност на проектот е што допринесе за позитивно претставување на земјава на обичните граѓани на ЕУ. Секој студент дистрибуираше по 250 брошури во кои беа претставени значајни настани и споменици од Македонија.

Со помош на донаторите и спонзорите на проектот, МОСТ на студентите за времетраење од 1 месец, им обезбеди Inter Rail карта, за неограничено патување со воз, бесплатна Шенген виза издадена од Германската амбасада, осигурување од Табак осигурување, ISIC картичка од Аурора турс и дел од потребните средства на платежна картичка од НЛБ Тутунска банка. Сите информации за проектот и слики од патувањето достапни се на www.patvoevropa.org.mk, страница која бесплатно е хостирана од ОН нет.

Categories: 2007

Скопје – Белград – Виена

No Comments

 

Патувањето започна! Од Скопје стигнавме во Белград, каде ни се придружија и колегите од Србија и Црна Гора. Првата европска дестинација е Виена, таму не пречека Амбасадорот на Р Македонија во Виена, Д-р Весна Борозан, која не поздрави и ни посака пријатен пат. Тргнуваме на патување низ Европа, нашите импресии и фотографии можете да ги погледнете во фотогалеријата, а патот до Виена можете да го проследите во продолжение.
Categories: 2007

Студентите влегоа во Европа

No Comments

Претставниците од најдобрите студенти во Македонија, во рамките на проектот Патуваме во Европа, пристигнаа на својата прва дестинација, Виена. Своето патување го започнаа од Скопје, до Белград, каде им се придружија и колегите од Србија и Црна Гора, и на 16 јули пристигнаа во Виена. Ова е првата нивна европска дестинација, по што секој ќе ги продолжи патувањето.

„Ова е прво наше патување во некоја европска метропола и очекуваме многу забава и нови искуства“– видно возбудени, коментираа студентите.

„Се надеваме дека промовирајќи ја нашата земја, преку брошурите кои ќе ги делиме, ќе бидеме вистински амбасадори на Македонија“– додаваа тие.

Студентите се сретнаа со Амбасадорот на Р Македонија во Виена, Д-р Весна Борозан, која ги поздрави и им посака пријатен пат.

Студентите, кои беа одбрани на јавен конкурс, во наредниот месец ќе патуваат низ Европа и ќе се запознаваат со европските вредности, навики и култури и своите искуства ќе ги споделат со своите колеги и пријатели по враќањето во Македонија.

Од Граѓанската асоцијација МОСТ, реализатор на проектот, со помош на донаторите и спонзорите добија бесплатни Интер Реил билети за неограничено патување со воз, бесплатна шенген виза, осигурување ISIC и платежна картичка. За да може да бидат препознаени, облечени се во маички и капчиња со логото на проектот.

 

Соопштение за медиуми (PDF)

Categories: 2007, Uncategorized

За студентите кои ќе патуваат

No Comments
    1. Во недела, 15.07.2007 во 9.30 часот заминуваме за Виена. Автобусот ќе биде паркиран пред хотел Бристол на ул. Македонија во Скопје. За оние на кои не им беше јасно минатиот пат: точното време при закажување на средби служи за сечие добро. Но, овој пат, нема да можеме да чекаме на вас и автобусот ќе замине за Виена на време. Значи, без каснење!!!!

 

    1. Како што неколку пати ве изненадивме и го променивме планот (Берлин – Виена, 15 јули – 16 јули), така и овој пат ви подготвивме едно изненадување. Имено, нема да треба да присуствуваме на приемот организиран од страна на австриското министерство за надворешни. Ама затоа, правиме напори да бидеме примени од македонската амбасадорка во Виена… Чисто да имаме што да правиме на 16ти :)) Во Белград се ќе биде според планот. Ќе присуствуваме на испраќањето на српските и црногорските студенти пред републичкото собрание на кое ќе биде присутен и претседателот Тадиќ.

 

  1. Ќе спиеме во хотел Академиа во Виена. Можете да го googl-ате ако сакате. Да најдете како да стигнете до центарот на градот и слично… Бидејќи се работи за хотел од ниска категорија, би ви препорачал да си земете пешкири и папучи (претпоставувам на ова помисливте кога размислувавте што да понесете за спиење во хостели).
Categories: 2007

Студентите ќе патуваат во Европа

No Comments

Студентите кои ќе бидат дел од тимот кој еден месец ќе патува низ Европа денеска ги подигнаа своите визи. За помалку од една седмица тие ќе го започнат своето патување, запознавајќи ги земјите и нивните демократски вредности, народите и културите. Студентите се избрани на јавен конкурс, селектирани според просечната оценка во текот на студирањето.
Соопштение за медиуми…

 

За проектот

1 Comment

ПАТУВАМЕ ВО ЕВРОПА 

Сегашната генерација на млади Европејци е прва која има израснато во безгранична и мирна Европа. Ова е Европа во која тие можат да се движат послободно, да работат и учат многу полесно од порано, која е многу поразлична од онаа во која израснаа нивните дедовци и баби.

За жал иако младите од Македонија се дел од таа генерација, во практика реалноста е многу по различна. Постои очигледна неможност на нашата млада генерација од прва рака да се запознае со фактите и искуствата на Европа. Најголем дел од младите луѓе, студенти на универзитетите во Македонија, кои што треба да бидат носители на развојот на земјата во наредните години, па и декади; заради настаните во последните години, визите како и финансиската состојба, никогаш ја немаат напуштено земјава.

Слободно може да се заклучи дека младите луѓе се изморени од слушање за Европа, до истиот степен до кој што се желни за директен контакт и специфични искуства од истата таа Европа. Директната средба со Европа е единствениот начин за здобивање на вредни сознанија за општественото опкружување.

Мисијата на проектот е 12 студенти од Македонија, преку патување, директно да се запознаат со демократските вредности, навики и култури на земјите од Европа, и да ги промовираат и доближат тие вредности во Македонија. Во исто време студентите ќе ја  промовираат и Македонија во Европа.

МОСТ, донаторите и спонзорите на проектот ќе се погрижат секој од овие студенти за 1 месец да се почувствува како европски турист. Студентите ќе добијат бесплатна интер – раил карта за воз во времетраење 22 дена, здравствено осигурување, ISIC картичка, учество на специјалното отворање на програмата во Берлин и мал џепарлак; а со себе ќе понесат брошури за Македонија кои ќе треба да ги поделат на младите луѓе кои ќе ги сретнат на ова патување.

По враќањето, студентите ќе бидат задолжени за напишат краток извештај за својот пат и да направат фото презентација од местата што ги посетиле.

„Патуваме во Европа” последните шест години е регионален проект, кој освен во Македонија се реализира и во останатите земји од Западен Балкан, Србија, Босна и Херцеговина, Црна Гора, Албанија, како и Косово. МОСТ настојува проектот да го спроведува секое лето, притоа проширувајќи ја бројката на учесниците. Досега повеќе од 120 студенти од Македонија биле дел од овој проект.

Categories: 2007